Accessibility links

Кайнар хәбәр

Bağdadta höcümnärdä kimendä 30 keşe häläk buldı


Ğiraq polisiäse mäğlümatlärenä qarağanda, bügen eçke eşlär ministrlığı binasına 2 raketa atılğan häm bina yanında maşina şartlatılğan. Näticädä kimendä 28 keşe häläk bulğan. Qorbannarnıñ kübese – polisiä xezmätkärläre bulğan. Şartlawlar öçen cawaplılıqnı "Ğiraqtağı al-Qaida" isemle, Abu Musab az-Zarqawi citäkçelegendäge törkem alğan. Ämma bu mäğlümatne bäysez çığanaqlarda raslap bulmadı. Höcümnär bügen Polisiä könen bilgeläw tantanaları waqıtında bulğan. Kirkukta bügen tikşerüçe-xakim atıp üterelgän. Bağdadtağı höcümnärdä tağın kimendä 3 keşe häläk bulğan. AQŞnıñ xärbi çığanaqları, şimbä köne boralaq häläkätendä 8 amerikan xärbie häm 4 amerikan keşeseneñ ülgänen rasladı.
XS
SM
MD
LG