Tähran. İran bügen Quşma Ştatlarnıñ, Möxämmät päyğämbär sürätläre tiräsendäge näfrätne Tähran üz faydasında qullana digän ğäyepläwlären kire qaqtı. İlneñ tışqı eşlär ministrı wäkile Xämitriza Asefi xäbärçelärgä, bu hiç kenä dä döres tügel dip belderde. Amerikan däwlät sekretare Condoleezza Rice elegräk, İran häm Süriä näfrät käyeflären arttıru eşen alıp bara, digän ide. Ul arada İndoneziä Daniäneñ üz ilçesen häm ilçelek xezmätkärlären ildän çığaru qararın "uylanıp betmägän" dip bäyäläde. Daniä, alarnıñ iminlege öçen borçıluı xaqında belderä.
