Pol'şa xakimiätläre ilneñ Baltıyq diñgeze yarlarında tabılğan 3 aqqoş mäyeten berençel tikşerülär alarda qoş kizüe buluın raslamadı di. Germaniä Baltıyq diñgezendäge Ruegen utrawında tabılğan üle aqqoşlarda qoş kizüeneñ keşelär öçen qurqınıçlı H5N1 töre buluı raslandı dip beldergän ide.
H5N1 bügen Sloveniädä dä tabıltı. İlneñ tönyağında tabılğan ber aqqoş mäyetendä bu awırunıñ buluı raslanğan. Şulay itep bu virus bulğan Yewropa Berlege illäre sanı soñğı könnärdä 5-kä tuldı. Yewropa xökümätläre qoş kizüeneñ taraluına qarşı çaralarnı arttıraçaqların belderde.
Bügen Azärbäycan qoş kizüenä qarşı köräştä yardäm sorap Yewropa Komissiäsenä möräcäğät itte. Tışqı eşlär ministrı Elmar Mammadyarov Baqığa kilgän Yewropa Berlege tışqı eşlär komissionerı Benita Ferrero-Waldnerdan yardäm sorawın berlerde. Ämma ul nindi yardäm sorağanlığın äymäde. H5N1 Azärbäycannıñ Kaspiy yarlarında uzğan atnada tabıldı.
