Kiev -- Ukraina, Törkmänstanğa gaz öçen millionlağan dollar burıçı bar digän ğäyepläwlärne kire qaqtı. Törkmänstan belderüençä, Ukraina aña gaz öçen 160 million dollar tieş, Ukraina räsmiläreneñ uzğan atna Aşxabad söyläşülärendä bu mäsäläne xäl itä almawı, xezmättäşlekkä zıyan kiterä ala. Ukrainanıñ Naftogaz şirkäte başlığı Oleksi İvçenko, Ukraina Törkmänstanğa gaz öçen "tienen-tiengä" tüläp bara, anıñ ber burıçı da yuq, ixtimal bu ğäyepläwlär gaz bäyäsen kütärü niäte belän bäyle, digän beldderü yasadı.
