Accessibility links

İran atom mäsäläsen BMO tikşeräçäk


Xalıqara atom energiäse idaräseneñ İranğa bağışlanğan qararın comğa könne Berläşkän millätlär oyışması iminlek şurasınıñ daimi äğzäläre tikşeräçäk. Alar - AQŞ, Rusiä, Qıtay, Fransiä häm Britaniä. Rusiäneñ Tışqı eşlär ministrı Sergey Lavrov Xalıqara atom energiäse idaräse İran turındağı dokumentlarnı iminlek şurasına tapşırıp, beraz aşıqtı dip sanıy. Qıtay wäkile dönya cämäğätçelegen İrannıñ atom proğramması tiräsendäge wazgiätne quyırtmasqa çaqırdı. İran prezidentı Mäxmüt Äxmädinicät tağın ber märtäbä, Tähran teläsä nindi säyäsi basımğa qarşı toraçaq, dip belderde.
XS
SM
MD
LG