Ramallah. Fälästin idaräseneñ premyer-ministrı itep raslanğan İsmail Haniä bügen, xökümät äğzaları itep fälästin parlamentında küpçelekkä iä bulğan "Xämas" qına tügel, başqa säyäsi törkem wäkillären dä bilgelärgä cıyınuın äytte. Xökümätne ul ay azağına qädär qorırğa tieş. Bu uñaydan Haniä berniçä şundıy törkem belän söyläşülär alıp bara. Prezident Mäxmüt Abbasnıñ xakimaittä elek torğan FATX xäräkäte isä üzeneñ oppozitsiädä eşlärgä teläwen beldergän ide.
