Voronejda Perudan kilgän student Anxelis Urtado Enrikene üterü eşen tıñlawlar yabıq işeklär artında uzaçaq. Gäyeplänüçelärneñ advokatları sorawı belän mäxkämä şundıy qararğa kilgän. Gäyeplänüçelär skämiäsendä 13 yäş keşe. Prokuror İvan Kovalev bolay dide: “Alarnıñ berse milli näfrät nigezendä üterüçe dip, öçese talawda , qalğannarı xuliğanlıqta gäyeplänä.” Perudan kilgän studentqa höcüm uzğan yılnıñ üktäber ayında yasalğan. Ul küp qan yuğatudan haläk bulğan. Anıñ belän bergä bulğan tağın öç keşe, Peru watandaşı, İspaniale häm Rusiä watandaşı törle yaralanular alğan.
