Accessibility links

Кайнар хәбәр

Ğiraqta ütereşlär däwam itä, xökümät tözelmi


Bağdadnıñ öç rayonında polisia 12 üterelgän keşe mäyeten tabıp alğan. Soñğı 2 ay eçendä Ğiraqnıñ törle şähärlärendä yözlärçä keşe üterelde. Alarnı, şığilarnıñ izge cire Samarrada şartlaw bulğannan soñ, şığilar belän sönnilär arasındağı doşmanlıq qorbanı dilär. Bağdad häm Kirquq tiräsendä törle şartlaw häm atışlardan 5 siwil keşe üterelgän 13yı yaralanğan.Ğiraq parlamentınıñ düşämbegä bilgelängän utırışı yañadan kiçekterelgän. Çönki, xökümät oyıştıru turındağı söyläşülärdä, elekkeçä, urtaq fikergä kilä almıylar. Şığilar, sönnilär häm körtlär arasında parlament citäkçese nämzäte turında fiker qarşılıqları kilep çıqqan.Ğädi xalıq bu xälgä açuın yäşermi. Ber Bağdad keşese «Reuter» agentlığına bolay dip beldergän: «Bu xäl säyäsät öçen cawaplı keşelärneñ abruyın töşerä. Ğiraqqa xökümät kiräk, xalıqnıñ cäfälänularına çik quya torğan citdi xökümät kiräk. Citär inde, tağın da kiçekterergä hiç yaramıy. Şundıy awır wäzäiattä buluğa qaramastan xalıq tawış birgängä 4 ay waqıt ütep kitte bit inde. Bez, parlament ciyılıp, konstitusia nigezendä xökümät oyıştırunı telibez. Bezneñ bälälärneñ çige bulırğa tieşter bit inde», dip belderde ğädi ber Bağdad keşese.
XS
SM
MD
LG