Tanılğan fransuz yazuçısı häm fiker iäse Voltaire'nıñ Rusiä patşabikäse Yekaterinağa yazğan 26 xatı Parijda 750 meñ dollarğa satılğan. Başqaladağı Sotheby auksionında xatlar Yevropada, qimmätle isätleklär cıyuçı ber keşegä, kötelgännän 2 tapqır artıq bäyägä satılğan. Bu xatlar – Voltaire'nıñ patşabikägä yazğan barlıq xatlarnıñ 4tän ber öleşe genä. Qalğannarı Rusiä häm Fransiäneñ milli kitapxanälärendä saqlana.