Ukraina parlamentında Yulia Timoşenko blogınnan deputatlar prezident Viktor Yüşçenkoğa açıq xat yulladı. Xatta Yuğarı Radanı taratırğa häm waqıtınnan elek saylawlar ütärergä kiräklege äytelä. Timoşenko parlamenttağı küpçelekne täşkil itkän säyäsi köçlär Ukrainanıñ bäysezlegen yuğaltuğa kiteräçäk, dip sanıy. Timoşenko blogı Yuğarı Rada eşenä boykotnı 25 yülgä qädär däwam itergä cıyına. Ägär aña qädär Töbäklär firqası, kommunistlar häm sosialistlar kergän “krizisqa qarşı berdämlek” yaña xökümät tözemäsä, prezident konstitusiadäge xoquqına nigezlänep, parlamentnı taratırğa mömkin.
