Accessibility links

Кайнар хәбәр

Başneftexim aqça üzläşterüdä ğäyeplänä


Rusiäneñ Eçke eşlär ministrlığı “Başneftexim” kompaniäsen tikşerä başlağan. Kompaniä İrlandiäneñ “Filain Limited” kompaniäseneñ 26 million dollar aqçasın üzläşterüdä ğäyeplänä. “Başneftexim” bügege köndä yuq, ul 2003 yılda “Başqort kapitalı” kompaniäse itep üzgärtelde, annan anısı da beterelep, alarnıñ däwamçısı bulıp “Başneft” torıp qaldı. “Başneftexim”nıñ İrlandiä kompaniäsen töp başına utırtqan çorda general direktorı Viktor Gansev, direktorlar şurası räise Ural Räximov bulğan. Gansev bügenge köndä dä Başqortstan neft eşkärtü tarmaqların kontroldä tota häm Ural Räximovnıñ ışanıçlı keşese bulıp isäplänä. Qayber analitiklar monı “Rosneft” häm “Gazprom” arasındağı qarşılıq belän añlata. Eş şunda, uzğan atna axırında Rusiäneñ berençe vitse-premierı Dmitriy Medvedev belän kilgän “Gazprom” wäkilläre respublikanıñ neft şirqatläre mäsäläsendä qayber söyläşülärgä ireşkän bulğan. News.Ru ağentlığı älege tikşerülärne “Rosneft” oyıştırğan buluı mömkin dip farazlıy.
XS
SM
MD
LG