Elekke Ğiraq prezidentı uzğan töndä üzeneñ tuğan awılı Tikrit şähäre yanındağı Awja awılında cirlände. Şimbä könne Säddam Xösäyen keşeçelekkä qarşı cinäyätlärdä ğäyeplänep atıp üterelde. Cänazağa Sälähetdin vilayäte gubernatorı Hamed äş-Şäkti, Säddamnıñ Albu Nasir qabiläse wäkilläre qatnaşqan.
Säddam 1982 yılda Äd-Dücäil qalasında 148 şığınıñ üterelüe öçen ğäyeple dip tabıldı häm 5 Noyäberdä maxsus tribunal tarafınnan ülemgä xökem itelde. 26 Dikäberdä Apellätsiä mäxkämäse qararnı köçendä qaldırdı.