Berläşkän Millätlär Oyışması 2006 yılda Ğiraqtağı köç qullanularda 34 meñnän artıq sivil hälak buldı dip belderde.
BMOnıñ Ğiraqtağı baş keşe xoquqları wäkile Gianni Magazzeni şul çorda tağın 36 meñnän artıq sivil yaralandı dide.
Matbuğat oçraşuında Magazzeni noyäber-dikäber aylarında
ildä 6400-läp sivil hälak buldı, şularnıñ 4700-läbe Bağdadta dip belderde.
Londonda Britan premyer ministrı Tony Blair Magazzeni iğlan itkän sannar tragik, ämma monıñ öçen terrorçılar ğäyeple dide.
"Älbättä Ğiraqta ğäyepsez sivillärneñ ülüe faciğä. Belüegezçä Säddam çorında anda yözlärçä meñ keşe, ğäyepsez keşelär üterelde. Xäzer meñnärçä keşe üterelä. Ämma alarnı terrorçılar, tışqı ekstremistlar belän bäyle bulğan eçke ekstremistlar üterä. Britan häm Amerikan xärbiläre ğäyepsez keşelärne ütermi. Bez ğäyepsez keşelärne saqlarğa tırışabız" dide Blair.
