Accessibility links

Кайнар хәбәр

İranda AQŞ, İzrail faydasına eşlägän 100 keşe totqarlanğan


İrannıñ yuğarı ruxi citäkçese ayatolla Ali Xamenei, däwlät televideniäsendä yasağan çığışında, AQŞ İranğa höcüm itkän xäldä Waşingtonğa cawap höcüm belän yanadı. Bügen İranda 350 çaqrımğa oça torğan cir-diñgez raketaları sınawları ütte. Könbatış belän Tähran arasında, İrannıñ atom programması mäsäläsendä kierenkelek däwam itä. AQŞ nizaqqa diplomatik çişeleş ezläwen beldersä dä, AQŞ häm İzrail – xärbi çara ber qayçan da bulmayaçaq dip äytmäde. Küptän tügel Waşington, Tährannı Ğiraqtağı ğısyançılarğa yardäm itüdä ğäyepläp çıqqan ide. İrannıñ yarım räsmi Fars mäğlümat agentlığı, Küzläw eşläre ministrı Ğöläm Hössäin Mohseni Ejeie süzlären kiterep, çik buyında AQŞ häm İzrail faydasına eşlägän 100 keşe qulğa alındı, dip belderde. Ministrlıq mäğlümatlärenä qarğanda, bu keşelär İranda xärbi häm säyäsi mäğlümatlär cıyğan.
XS
SM
MD
LG