Мәскәү -- Русия президенты Владимир Путин яңа ракета сынавын Кушма Штатларның "Көнчыгыш Европаны яңа корал белән тутыру" ниятенә җавап дип атады. Бу турыда ул бүген Мәскәүдә үткән матбугат очрашуында әйтте. Путин сүзләренчә, яңа ашкынып кораллану ярышы өчен Русия җаваплы түгел. Сишәмбедә Русия яңа кыйтга-ара баллистик ракетасын сынады. Бу ракета һәр төрле ракета калканын урап үтергә сәләтле диелә.
