Коммерсантъ gazetında basılğan interviewda Zakaev Russiäneñ elekke parlament räise Ruslan Xasbulatov häm elekke İminlek Şurası citäkçese İvan Rıbkin belän daimi elemtädä toruı turında äytä. Çeçnädäge bäysezlek tarafdarları belän Mäskäw arasında soñğı räsmi elemtä 2001-nçe yılnıñ noyäbr ayında bulğan ide. Ul çaqta Çeçen Prezidentı Aslan Masxadovnıñ yuğarı wäkile Zakaev Russiä prezidentınıñ Çeçnädäge wäkile belän oçraştı. Şunnan birle Russiä Çeçnäneñ bäysezlek yağındağı citäkçelege belän söyläşüdän baş tartıp kilä. Bu ayda London mäxkamäse Russiädä terrorçılıqta ğäyeplänüçe Zakaevnı Mäskäwgä tapşıru-tapşırmaw mäs’äläsen qarıyaçaq. Zakaev Daniädä bulğan çaqta Russiä anıñ Mäskäwgä tapşırıluına ireşä almadı. Daniä räsmiläre Russiä Zakaevqa qarşı ışanıçlı dälillär birmäde dide.
