Accessibility links

Кайнар хәбәр

İzrael saylaulardan elek Gaza Sızığında kiñ külämle xärbi höcüm oyıştırdı.


İzrael köçläre tönnä Gaza Sızığında başlatqan höcümdä in kimendä 12 fälästinlene üterde, 50dän artığın yaraladı. İzrael räsmiläre bu höcüm sonğı ike yıldağı in zur höcüm bulıp tora dip äytte. İzrael boralaqları tarafınnan yaqlanğan tanklar belän bärep kergän xärbilär yortlarda qorallı bäreleşlär alıp barğan. Hamasnıñ ölkän citäkçese Tel Avivdä üç alaçaqbız dip äytte. Saylaular sişämbedä ütkärelä. Premier Şaron saylau aldı kampaniesendä iminlekne töp mäsälä itep kütärep çıqtı. Saqlanu ministırı Şaul Mofaz İzrael Gaza Sızığın ozaqraq waqıt okupatsie astında totunı planlaştıra dip äytte. Opozitsiedäge leyboristlar partiäse üze ciñep çıqsa , okupatsie astındağı Fälästin territorieläre häm Gaza Sızığınnan çigenergä wäğdä itte.
XS
SM
MD
LG