Britaniä politsiäse terrorçılıq turındağı qanun nigezendä tağın 4 şikle keşene totqarladı. Hawa alanında granatağa iä bulu säbäple qulğa alınğan Venezuela keşesennän soraw alu däwam itä. Kiçä politsiä Londonnıñ Heathrow hawa alanı yanındağı Langley şähärendä terrorçı buluda şiklänelgän 4 keşene totqarladı. Kiçä şul tirädäge Hounslow şähärendä tağın 2 keşe totqarlandı. Politsiä bu keşelär terrorçılıq qanunı nigezendä qulğa alınsa da, alarnı hawa alanındağı qurqınıçqa bäyläneşe yuq dip belderä. Qulğa alınğan Venetsuelalı granatanı British Airways oçqıçına alıp kerergä telägän dip şiklänelä. Granata buluı açıqlanğannan soñ hawa alanınıñ ul bülekçäse yabılıp, yözlärçä keşe annan çığarıldı.
