BMO süzçese Hiro Ueki äyütençä, Bagdad yanındağı xärbi nığıtmada tağın 6 raketa yuq itelä. Şulay itep, yuq itelgän raketalar sanı 34-kä citä. Kiçä BMOnıñ baş inspektorı Hans Blix, soñğı waqıtta Ğiraq qoralsızlanu yünäleşendä aktiv adımnar yasıy, dip äytte. Ämmä, Quşma Ştatlar däwlät sekretare Colin Powell, Ğiraq bar raketaların da tapşırırğa cinmıy, küpläp üterü qoralın inspektorlardan yäşerü öçen, alarnı başqa urınğa küçerä, dip äytte.
