Qıtay räsmiläre Tönyaq Koreanıñ atom programması tiräsendäge qarşılıqnı çişü öçen, Quşma Ştatlar belän Tönyaq Korea arasında turıdan-turı söyläşülär ütkärergä çaqırdı. Şuşı qarşılıqnı xäl itü öçen, Quşma Ştatlar, Tönyaq Koreanıñ küptänge tarafdarı bulğan Qıtaynı, aña basım yasarğa sorağan ide. Qıtay Tışqı eşlär ministrı Tañ Cia-huan, Pxenyanğa basım yasaw barı tik tiskäre näticä biräçäk, dip belderde. Bu mäsäläne ike il üz-ara xäl itergä tieş, dide ul. Näq şul fikerne bügen Rusiä dä qabatladı.
