İtalia premier-ministrı Silvio Berlusconi Parlamentqa möräcägät itep, Amerikan gäskärlärenä İtaliäneñ xärbi nığıtmaların häm kügen qullanırğa röxsät birergä soradı. Berlusconi, Ğiraqqa qarşı köç qullanunı qanuni dip atadı, läkin İtaliä xärbiläre anda qatnaşmayaçaq, dide. Premiernıñ urta-uñ koalitsiäse Parlamentta küpçelekne alıp tora. Mäsälä uñay xäl iteler dip kötelä. İtaliä Ğiraq mäsäläsendä Quşma Ştatlar yağında buluın küptännän belderep kilde. Däwlät sekretare Colin Powellnıñ 30 ildän torğan xuplawçılar isemlegendä İtaliä dä bar.
