Fälestin citäkçese Yasir Arafat üzeneñ küptänge urınbasarı Mäxmüt Abbasqa Fälestinneñ premier-ministrı bulırğa täqdim itte. Kiçä Arafat bu urınnı buldıru turındağı qanunğa qul quyğan ide. Xalıqara cämäğätçelek bu üzgäreşne küptän taläp itte. Amerikan prezidentı George Buş Yaqın Köçığışta solıx urnaştıru planı Fälestinneñ tulı wäkälätle premierı bulğaç qına iğlan iteläçäk, digän ide. Premier-ministr Fälestin Üzidaräseneñ köndälek tormışın alıp baraçaq. Arafat isä iminlek xezmätläre belän idarä itüne häm İsrael belän solıx söyläşülären üz qulında qaldıra.
