Serbiä gäzitläre bügen premier-ministr Zoran Djindjiçnı üterüdä şikänelgän 3 keşeneñ berseneñ fotosüräten bastırdı. Eçke Eşlär ministrı Duşan Mixailoviç süzlärençä, politsiä bu keşelärneñ 2-seneñ kem buluwın açıqlağan, öçençeseneñ fotosüräte bar. Bu keşelär Zemun dip atalğan cinäyätçel törkem äğzaları sanala. Djindjiç uzğan atnada xökümät binası qarşında märgän qulınnan ülde. Bu eşkä bäyle räweştä 750 keşe qulğa alındı. Serbiädä ğädättän-tış xäl kertelde. Räsmilär, tikşerü barışına zıyan kitergän mäqälälär bastırğan öçen, 2 gäzit häm ber jurnalnı waqıtlıça yabıp quydı.
