Bügen İsraelneñ xärbi mäxkämäse 4 fälestinlene uzğan yılda bomba şartlap häläk bulğan İsrael watandaşlarınıñ ülemendä ğayepläp 29 yıl törmä cäzasına xökem itte- häläk bulğan ber İsrael watandaşına berer yıl cäza.
Uzğan yıl Netanya şähärendä pasxa bäyräme başlanğanda oteldä bulğan şartlaw 29 yähüdneñ ğömeren özgän ide. suğışçan Hamas İslam törkeme äğzase otelneñ axanäsendä üz üzen şartlatqan ide. Älege 4 fälestinle –intixar terrorçısına yardäm itüdä, aña şartlatqıçlar birüdä ğayeplänep xökem itelde. Tağın alarnıñ här berse-yaña ber terror höcüme planlaştırğan öçen östämä 20 yıl törmä cäzası aldı.
