Limonov Sarıtaw şähärendä xökem itelde. Sarıtaw mäxkamäse Limonov üz tarafdarları belän bergäläp Qazaxstannıñ Ruslar küpläp yäşägän öleşlärendä qorallı fetnä äzerlägän digän ğäyepläwlärne qabul itmäde.
Sovetlar Berlegennän kitep berniçä yıl çittä, Fransiädä yäşägännän soñ Limonov 90-nçı yıllar başında Russiägä qaytıp Natsional Bolşevik partiäsen oyıştırdı.
Älege partiä äğzaları avtomat qorallar belän totılğannan soñ Limonov 2001-nçe yılnıñ aprelendä Seberdä qulğa alındı.
Partiäneñ tağın 4 äğzası röxsätsez qoral saqlawğa bäyle ğäyepläwlär nigezendä 2 yıldan alıp öçyarım yılğa qädär törmä cäzasına xökem itelde.
Rüssiädäge häm çittäge xoquq yaqlaw törkemnäre Limonovqa qarşı ğäyeplärlär başqa radikal säyäsi törkemnärgä kisätü bularaq FSB tarafınnan maxsus oyıştırılğan dip täqrarlıy.
