Accessibility links

Кайнар хәбәр

Yevropa Berlege äğzaläre bulırğa torğan 10 däwlät wäkilläre Afin'da kileşügä qul quydı


Yevropa Berlegeneñ yuğarı däräcädäge cıyınına qarşılıq belderer öçen bügen Gretsiä başqalasında 7 meñgä yaqın keşe cıyıldı. Amerikan ilçelegenä taba yünälgän qarşılıq belderüçelär häm politsiä arasında bäreleşlär buldı. Yevropa citäkçeläre cıyınınıñ köntärtibendäge mäs’älälärneñ berse-Ğiraqnı tözekländerü… Berläşkän Millätlär Oyışması general sekretare Kofi Annan, Yevropa Berlege äğzaläre-Ğiraq mäs’äläsen küp däwlätlär qatnaşında çişüne yaqlıy, dip belderde. Oyışma, Ğiraqnı tözekländerüdä üzenä töp rolneñ birelüenä ömetlänä. Kofi Annan älegä-Berläşkän Millätlär Oyışmasınıñ eşe nidän ğibärät bulaçağı mäğlüm tügel, dip belderde. Şulay uq bügen 10 yaña namzätneñ Berlekkä kerüe turındağı kileşügä qul quyu tantanası uzdı. 5 meñlek kileşüne10 yaña häm 15 xäzerge äğza däwlät wäkilläre imzaladı. Polşa, Macarstan, Sloveniä, Slovakiä, Litva, Çexiä, Estoniä, Latviä…Malta häm Kipr 2004nçe yılnıñ may ayında Yevropa Berlege äğzaläre bulır dip kötelä. Yevropa Berlege konstitutsiäse ölgese İün ayınıñ 20sendä Gretsiädä uzaçaq yuğarı däräcädäge cıyında täqdim iteläçäk. Bu xaqta Fransiäneñ elekke prezidentı häm xäzerge waqıtta dokumentnı äzerläwçe 105 keşelek cıyın başlığı Valery Jiscard d’Estaing belderde.
XS
SM
MD
LG