Accessibility links

Кайнар хәбәр

Qıtay, Tönyaq Korea häm AQŞ wäkilläre irtägä söyläşülär başlarğa äzerlänä


Amerika Quşma Ştatları Däwlät Sekrater urınbasarı James Kelly Qıtay häm Tönyaq Korea räsmiläre belän Tönyaqnıñ atom töş programması tiräsendäge kierenkelek turında söyläşer öçen Pekinğa kilde. Söyläşülär irtägä başlana. Uzğan yılnıñ közendä Pxenyan üzendäge atom qoralı turında belderü yasağannan birle Amerika Quşma Ştatları häm Tönyaq Korea wäkilläre berençe tapqır oçraşa. Qıtay tışqı eşlär minustrlığınıñ matbuğat wäkile Hu Jinchao, söyläşülärneñ Tönyaq belän Amerika arasında kierenkelekne yomşartaçağına ömetlänüen belderde. Amerika Quşma Ştatları däwlät departamentınıñ wäkile Richard Boucher, Waşington , Pxenyannıñ atom programmasınnan waz kiçüe turında kileşügä ireşergä tırışaçaq, dip xäbär itte. Könyaq Koreadağı amerikan köçläre başlığı general Leon LaPorte-Tönyaq Korea global iminlekkä qurqınıç tudıra häm töbäktäge tınıçlıqqa yanıy, dip belderde. Qıtay prezidentı Hu Jintao bügen Tönyaq Korea xärbi köçläreneñ säyäsi byurosı başlığı vice marşal Jo Myong Rok belän oçraştı. Räsmi Xinhua mäğlümat agentlığı Hu süzlären kiterep ike il arasında xezmättäşlekneñ soñğı yıllarda üsüe turında belderde. İrtägä Amerika Quşma Ştatları-Tönyaq Korea häm Qıtay wäkilläreneñ oçraşuında Tönyaqnı vice marşal Jo wäkillek itäçäk.
XS
SM
MD
LG