Groznıy. Soñğı täwlek eçendä Çeçnädä 6 urıs ğäskärie üterelgän, tağın 6-sı yaralanğan dip xäbär itelä. Mäskäw tarafınnan bilgelängän çäçän idaräsendäge isemen beldermägän ber wäkil Associated Press agentlığına, Kurçaloy rayonında maşinaları minağa elägü säbäple ike xärbi hälak buldı, berse yaralandı dip äytkän. Ul şulay uq 3 urıs ğäskärieneñ şul uq Kurçaloy tirälärendä bulğan bäreleştä ülüwen dä xäbär itkän. Anda ber çäçän suğışçısı da hälak bulğan. Çeçnäneñ başqa urınnarında bulğan höcümnärdä tağın ber urıs xärbie ülgän, 5-se törle cäräxätlär alğan.
