Düşänbe. Bügen taciq başqalasında, däwlät citäkçeläre däräcäsendä Ewraziä İqtisadi Berdämlegeneñ däwlätara Şurası utırışı ütte. Älege berdämlekkä kergän Rusiä, Belarus, Qırğızstan, Taciqstan häm Qazağstan prezidentları şuşı utırışta iqtisadi integratsiä häm ikeyaqlı bäyläneşlärne tikşerde. Bügen irtäräk Rusiä prezidentı Vladimir Putin Taciqstandağı Rusiä ğäskäriläre belän oçraşqanda, Äfğanstannan äle haman da yanawlar bulu säbäple Mäskäw üzeneñ biredäge xärbi qüwäten tağın da nığıtırğa cıyına dip belderde. Rusiäneñ Taciqstanda 19 meñläp ğäskärie urnaşqan, şularnıñ 11 meñe anıñ Äfğanstan belän çigen saqlıy.
