Accessibility links

Кайнар хәбәр

Gretsiädä Yewropa Berlege citäkçeläre Berlek konsitutsiäseneñ berençe proyektın xupladı.


Alar monı yaña äğzalar qabul itüçe Berlekneñ yaña xoquqıy nigezen buldıruğa taba möhim adım dip bäyäläde. Gretsiädä ütüçe şuşı cıyın barğan urınnan cittäräk politsiä taşlar häm başqa äyberlär atuçı yözlärä anarxistnı häm kapitalizmğa protest belderüçe demonstratsiäçelärne taratu öçen yäş gazı qullandı. Bu bäreleş näticäsendä nindi zıyan kilüe yäki niçä keşeneñ yaralanuı turında xäbärlär älegä yuq. Berlek citäkçelärenä konsitutsiä proyektın soñğı 16 ayda anı äzerläw belän şöğellängän törkem citäkçese, Fransiäneñ elekke prezidentı Valery Giscard d'Estaing tapşırdı. Bu konstitutsiä Yewropa Berlegeneñ prezidentın, tışqı eşlär ministrın, häm xäzergedän quätleräk başqarma komissiä buldırunı, ayırım däwlätlärneñ veto xoquqın çikläp qararlarnıñ küpçelek tawış belän qabul itelüen küzdä tota. Bu çaralar kiläse yılnıñ may ayında Berlekkä 10 yaña äğza quşılğannan soñ qararlar qabul itüne tizlätergä tieş. 15 äğza il häm 10 yaña quşıluçı il Konsitutsiäne üktäbr ayında başlanaçaq xökümätara konferensiädä qabul itär dip kötelä. Konsitutsiä proyektına qayber üzgäreşlär dä kertelergä mömkin. Qayber illär, şul isäptän Britaniä, İspaniä, Awstriä häm Portugaliä tawış birü xoquqlarınıñ häm däwlät suverenlığınıñ çiklänüenä borçılu belderde.
XS
SM
MD
LG