Ufa. Başqortstan başqalasınıñ könyaq ziratında bügen Germaniä kügendä bulğan bıltırğı hawa hälakäte qorbannarına häykäl açıldı. Şuşı matäm çarasında hälak bulğannarnıñ tuğannarı häm yaqınnarı, Başqortstan xökümäte wäkilläre, Germaniäneñ Baden-Wuertemberg cirennän kilgän wäkillek qanaştı. "Başqortstan hawa yulları" şirkäteneñ oçqıçı 2002-nçe yılnıñ 2-nçe yülendä, Şvetsariädäge hawa dispetçerı xatası arqasında küktä DHL şirkäteneñ yök oçqıçı belän bärelgän ide, şuşı qazada 71 keşe, şul isäptän İspaniägä yalğa barğan 48 bala hälak buldı.