Accessibility links

Кайнар хәбәр

Britan premier-ministrı Tony Blair wazifasınnan kitmiäçägen belderde


Britan premier-ministrı Tony Blair, Saqlanu ministrlığı kiñäşçese David Kelly'nıñ üleme säbäple tuğan cancal arqasında wazifasınnan kitmiäçägen belderde. Sky News telekompaniäsenä birgän äñgämäsendä, Blair, Kelly eşen tikşergän mäxkämägä kilep, xökümätneñ här xatası öçen cawaplılıqnı üz östenä alırğa äzer buluın äytte. Ul şulay uq, opozitsiäsneñ, Aziä säfären özep, parlamentnıñ ğädättän-tış utırışın ütkärü öçen ilgä qaytu taläplären, kire qaqtı.

Bügen BBC telekompaniäse, David Kelly - cancal tudırğan xäbärneñ töp çığanağı ide, digän belderü yasadı. Britan xökümäte, Ğiraq suğışın aqlaw öçen, Ğiraqnıñ küpläp üterü qoralı turındağı mäglümätne bozıp kürsätkän, digän xisapnı BBC xäbärçesenä näq menä Kelly birgän dip sanala.

Kellynıñ üle ğäwdäse comğa könne, anıñ yortı yanındağı ber urmanda tabıldı. Politsiä belderüençä, ul belägen kisep, qan yuğaltudan ülgän.
XS
SM
MD
LG