Mäskäw ölkäseneñ Tolstopal'sevo awılında ber garacda tabıp alınğan şartlatqıç caylanmalarnı zararsızlandıru operatsiäse ütte. Şähitlär bilbawı dip yörtelä torğan şartlatqıç caylanmalar saqlanğan yäşeren urın turında 10 iyüldä Mäskäw urtasında restoran şartlatqanda qulğa alınğan Zarema Mujixoyeva kürsätmälärennän bilgele bulğan. Törle mäğlümätlärgä qarağanda bu garajda 5-6 şartlatqıç caylanma tabılğan. Härberseneñ köçe ber kilogram trotilğa tiñ. Bu bilbawlarnı töyäwdä häm zararsızlandıruda FSB xezmätkärläre robotlar qullanğan. Operatsiä waqıtında yaqın tirä yorttağılar başqa urınğa küçerelep torğan.
