AQŞnıñ maxsus ilçese John Bolton häm Könyak Koreyänıñ tışqı äşlär ministrı Yun Yınkwan, bügen Seulda Tönyak Koreyä belän öç yaqlı söyläşülär turında Waşingtonnıñ täğdimen tikşerde. Bolton süzlärenä qarağanda, Tönyak Koreyä iñ elek, ike yaqlı, Quşma Ştatlar belän ike aradağı söyläşülärne genä mömkin dip sanıy. İnde küp yaqlı söyläşülär, AQŞ wäkile belän oçraşqannan soñ ütärgä mömkin. Quşma Ştatlarnıñ täqdime uzğan atnada Seulğa Qıtay xäkimiäte wäkile tarafınnan beldertelgän ide. Küptän tügel genä Tönyak Koreyä atom töş qorılın taratmaw turındağı kileşüdän çığuın häm atom proğrammasın kiñäytep cibärüen iğlan itte.
