Mäskäwneñ Basman mäxkämäse 4 çit il keşeseneñ moral zıyannı qaplaw taläben kire qaqtı. Uzğan yıl Dubrovka teatr üzägendä totıqlarnı azat itü waıtında, bu keşelärneñ tuğannarı xäläk bulğan ide. Mäxkämä üzeneñ qararın ber niçek tä añlatmadı. Advokat İgor Trunov bu qararnı qanunsız dip atadı häm yuğarıraq daiärägä şiqäyät itäçägen belderde. Älegä moral zıyannı qaplaw turında 60-tan artıq şiqäyätneñ berse dä qänäğätländerelmäde. Dubrovka totıqların azat itü waqıtında qullanılğan gazdan barlığı 129 keşe xäläk bulğan ide.
