Rusiä prezidentı Vladimir Putin Rusiä rubleneñ Belarusta da äyläneşkä kerü-kermäwe turında täğayen qararnıñ tiz arada qabul itelüen teläwen belderde.
Rusiä televideniesenä interview birep Putin urtaq aqça turında täğayen qarar qabul itärgä waqıt citte dide.
Ul şulay uq tizdän Belarus prezidentı Aleksandr Lukaşenko belän oçraşaçağı turında da äytte.
1996-nçı yılda Rusiä belän Belarus tığız säyäsi, xärbi häm iqtisadıy elemtälär qorunı maqsat itkän kileşü imzalağan ide. Ämma ul kileşüne tormışqa aşıru öçen bik az eş başqarıla.
