Bügen Peterburda, şähärneñ administratsiä başlığı urınına, waqıtınnan alda saylawlar ütä. Saylawlar ütte dip sanalsın öçen, saylawçılarnıñ kimendä 20 protsentı qatnaşırğa tieş. Säğät köndezge bergä bu san ni barı 7.6 protsent ide. Şähär başlığı urınına 9 namzät däğwa itä. Şul isäptän, prezidentnıñ Tönyaq-Könbatış töbäktäge wäkile Valentina Matvienko, Peterburnıñ vitse-gubernatorı Anna Markova. Berençe turda ciñü öçen 50 protsenttan kübräk tawış cıyarğa kiräk.
