Hindstan tışqı eşlär ministrı Yaşwant Sinha süzlärenä qarağanda, bügen Hindstan häm Paqstan citäkçeläreneñ oçraşuı näticäle bulğan: "İke citäkçe soñğı waqıtta aralarnı caylaw mäs'äläsendä yasalğan adımnarnı xupladı, kiläçäktä dä eş bu yünäleştä däwam iter digän ömet belderde" dide Hindstan ministrı.
Atal Behari Vajpayee häm Pärwäz Möşärräf ike yıldan artıq waqıt eçendä berençe tapqır oçraştı. Oçraşu turında tulıraq mäğlümat äle iğlan itelmäsä dä, Yaşwant Sinha, - Hindstan belän Paqstan citäkçeläreneñ oçraşuı üze – inde zur uñış, dip belderde.
Oçraşu başlanğançı Paqstan mäğlümat ministrı, söyläşü – Kaşmir nizağın çişü yulları turında bulaçaq, dip beldergän ide. Üz çiratında, Vajpayee, Hindstan belän Paqstan öçen – nizaqnı çişü yulların tabır öçen daimi söyläşülär alıp barırğa kiräk, digän ide: "İke il dä daimi kontaktta torırğa tieş. Şul çaqta ğına ber berebezneñ awırlıqların añlap alardan çığu yulların bergä taba alaçaqbız" digän ide Hindstan premyer-ministrı Atal Behari Vajpayee.
Atal Behari Vajpayee häm Pärwäz Möşärräf ike yıldan artıq waqıt eçendä berençe tapqır oçraştı. Oçraşu turında tulıraq mäğlümat äle iğlan itelmäsä dä, Yaşwant Sinha, - Hindstan belän Paqstan citäkçeläreneñ oçraşuı üze – inde zur uñış, dip belderde.
Oçraşu başlanğançı Paqstan mäğlümat ministrı, söyläşü – Kaşmir nizağın çişü yulları turında bulaçaq, dip beldergän ide. Üz çiratında, Vajpayee, Hindstan belän Paqstan öçen – nizaqnı çişü yulların tabır öçen daimi söyläşülär alıp barırğa kiräk, digän ide: "İke il dä daimi kontaktta torırğa tieş. Şul çaqta ğına ber berebezneñ awırlıqların añlap alardan çığu yulların bergä taba alaçaqbız" digän ide Hindstan premyer-ministrı Atal Behari Vajpayee.
