Paqstan prezidentı Pärwäz Möşärräf Paqstannıñ atom serlären başqa illärgä taratqan ölkän atom belgeçe Abdul Qadir Xannı yarlıqağannan soñ Hindstan Paqstannıñ atom texnologiälären taratu cäncalın xalıqara mäydanda qararğa çaqırdı.
Xan atom serläreneñ Liviä, İran häm Töynaq Koreağa taraluı öçen böten cawaplılıqnı üz östenä alıp il xalqı aldında ğafu ütende.
Quşma Ştatlar bu cäncalnı Paqstannıñ eçke eşe dip bäyäläde. Ämma Hindstannıñ tışqı eşlär ministrı Yaşwant Sinha bu mäs'älä Paqstannıñ eçke eşe genä bula almıy, ul xalıqara cämäğätçelekkä qağıla dide.
Ul atom qoralına iä däwlätlärneñ cawaplıraq buluına ireşü öçen atom mäs'äläläre turında söyläşergä çaqıra.
Bügen Paqstannıñ Karaçi şähärendä häm başqa urınnarında Xan tarafdarları xökümät ğalimne räncette dip protest demonstratsiäläre ütkärde.
