Accessibility links

Äfğanstanda İSAF köçläre belän citäkçelek itü Kanada generalına küçte


Qabulda uzğan tantana waqıtında Germaniä ğaskärläre başlığı general-leytenant Gortz Gliemeroth İSAF bayrağın Kanada general-leytenantı Rick Hillier'ğa tapşırdı. Räsmi tantanada Äfğanstan prezidentı Hamid Qarzai, xökümätneñ yuğarı räsmi wäkilläre, şulay uq NATO General Sekretare Jaap de Hoop Sxeffer qatnaştı. NATO Sekretare, iminlekne äle böten ildä urnaştırırğa kiräk, dip belderde: "Äfğanstanda äle dä awırlıqlar qala. Böten ildä iminlek urnaşırğa tieş. İdarä itüçelär berläşergä tieş. Qanusızlıq, oyışqan cinäyätçelek, äfyün citeşterü häm satu – kontrolgä alınırğa tieş" dip belderde NATO General Sekretare Jaap de Hoop Sxeffer.

Bügenge köndä Äfğanstanda iminlekne saqlar öçen 6100lek İSAF köçläre cälep itelgän. Alarnıñ küpçelege – Qabulda, keçkenä ber öleşe tönyaqtağı Kunduz şähärendä urnaşqan.
XS
SM
MD
LG