Tähran. İrannıñ Saqçılar Şurası bügen maxsus belderü bäyän itep, kiçäge saylawlarda qatnaşunıñ yuğarı buluınnan qänäğät qaluın äytte. Şul uq belderüdä, tawış birü ilneñ parlamentın üzgärtäçäk, ul ruxi qimmätlärgä nigezlängän qüwätle häm eşlekle xäyät bulaçaq dielä. İrannıñ elekke Mäclesendä küpçelek reformaçılar qulında ide, qadimi Saqçılar Şurası alarnıñ xäzerge uñışına qarşı qayber qırıs çaralar kürde, alarnıñ islamğa tuğrılığı şikle dip 2 meñ 400-läp demokratik nämzätne parlamentqa saylanudan mäxrüm itte. Şul säbäple, älegä räsmi näticälär mäğlüm bulmasa da, yaña Mäclestä küpçelek qadimi ruxanilär qulında bulır dip kötelä. Reformaçıl köçlär kiçäge tawış birüdä qatnaşmadı häm moña İran xalqın da çaqırdı. Qatnaşu däräcäseneñ nindi buluı xaqında räsmi mäğlümat älegä yuq.
