Bügen Yaponia parlament qarşında çığış yasap BMO general sekretare Kofi Annan, Berläşkän Millätlär Ğiraq xalqına üz yazmışların qulğa alırğa häm demokratik xökümät tözergä yardäm itü öçen quldan kilgänne eşliäçäk dip belderde. Ämma Berläşkän Millätlär Ğiraqta üz eşen başqara alsın öçen ildä iminlek buldırırğa kiräk, dide Annan.
Ğiraq İdarä Şurası äğzaläre bügen Berläşkän Millätlärdän bulğan täqdimnärne öyräner öçen cıyıldı. BMO düşämbe könne iğlan itkän xisapta Ğiraqta 2005nçe yılğa qadär saylawlar oyıştıru mömkin bulmas, dielä.
Kofi Annan, xakimiätneñ ğiraqlılarğa iünneñ 30zına qadär niçek tapşıralaçağın Ğiraq citäkçeläre üzläre xäl itergä tieş, dip belderde.
Ğiraqta Berläşkän Millätlär wäkilläre bulıp kitkäç – anda kiçekmästän Ğiraqnı saylawlarğa äzerläw belän şöğellänäçäk komissiä tözergä täqdim itelde.
