Yevropa Berlegeneñ tışqı säyäsät başlığı Javier Solana, Kosovoda uzğan atnadağı köç qullanu provinsiäneñ statusı turında qarar qabul itüne kiçekterergä mömkin, dip belderde.
Kiçä Kosovoda bulıp qaytqan Solana, bügen Brüsseldä jurnalistlarğa, ägär dä kemder köç qullanu yulı belän xalıqara cämäğätçelekneñ qararlarına tä'sir itep bula, dip uylasa – alar "yalğışa" dide. Uzğan atnada 28 keşeneñ ülemenä kitergän köç qullanu bötenläy ük "kötelmägän" xäl bulmadı, dip Solana säyäsi törkemnäreneñ bu waqiğalärne üz faydasına qullanırğa tırışuın iskä aldı.
