Ramallah. Fälästin başlığı Yäsir Arafat, İzrail premyer-ministrı Ariel Şaronnıñ anı qayçan da bulsa üterü ixtimalı belän yanawına ise kitmäwen belderä. Bügen ul üzeneñ Ramallahdağı yortında, "min üzem turında tügel, kübräk xalqım turında uylıym" dip äytte. Şaronnıñ yähüd pasxası aldınnan bäyän itelgän şul yanawların Quşma Ştatlar, Britaniä, Yevropa Berlege, İordaniä xökem itep çıqtı. Ul arada İzrailneñ eşke iminlek ministrı Tsaxi Hanegbi bügen İzrail radiosına, "amerikannar bezgä monı eşlämägez dip äytä almıy, çönki alar Äfğanstan häm Ğiraqta üzläre dä näq şunıñ belän şöğellänä" dip belderde.
