Sudan xökümäte ilneñ Darfur töbäge turındağı BMO rezolütsiäsendä bilgelängän waqıt qısaları belän riza bulmawın, ämma ozağraq waqıt arasında Darfurda çaralar küräçägen belderde.
Comğa könne qabul itelgän BMO İminlek Şurası resolütsiäse sudan xökümätennän Darfurdağı ğäräp suğışçıların 30 kön eçendä qoralsızlandırunı taläp itä. Ul suğışçılar Darfurdağı bäreleşlärneñ häm humanitar crizisnıñ säbäpçese dip ğäyeplänä.
Resolütsiädä, ägär bu taläp ütälmäsä, älegä bilgele bulmağan çaralar küreläçäge turında yanaw da bar.
Sudan xökümäte quyılğan waqıt qısaları mantıyqqa sıymıy häm ütärgä qıyın dip belderde. Ämma Sudan BMO belän elekke kileşüne ütiäçägen belderä. Ul kileşüdä Sudannıñ 90 kön eçendä suğışçılarnı qoralsızlandıraçağı häm Darfurga keşe xoquqların küzätüçelärne qabul itäçäge turında äytelä.
Şimbä könne Sudan belän Çad arasındağı çik buyına 200-läp Fransuz xärbie kitte. Alar çik buyındağı Darfur qaçaqlarına yardäm itäçäk. Bügen Mısır bu ğämälne xuplap humanitar köçlär kiterü töbäktä xärbi intervensiä başlanaçağın añlatmıy dide.
