Könbatış Çeçen separatistları belän söyläşülär ütkärergä çaqırğanda Putin härber çigenü terrorçılar taläpläreneñ kiñäyüenä kiterä häm yuğaltularnı arttıra dide.
Putin könbatış illären terrorçılarğa qarata iketörke standardlar qullanuda ğäyepläde häm İkençe Bötendönya Suğışı aldınnan Natsi Germaniäse belän kileşüne iskä töşerde.
Mäskäwdä törke illärdän cıyılğan merlar aldında çığış yasap Putin Rusiä terrorçılarğa qarşı aldan çaralar kürü eşenä citdi äzerlek alıp bara dide. Şul uq waqıtta ul barlıq bu çaralar qanunğa häm konstitutsiä normalarına qatğıy turı kiterep başqaçarılaçaq dip ışandırdı.
