İrannıñ räsmi İRNA mäğlümat agentlığı, elekke prezident Akbar Haşemi Rafsanjani süzlären kiterep, İrannıñ 2 meñ çaqrımğa oça ala torğan raketası bar, dip xäbär itte. Bu raketa İzrael häm könyaqkönçığış Yevropanıñ qayber öleşlärenä citä ala. Avgustta İran Şahab-3 raketası sınawları uzdırdı. Anıñ kimendä 1 meñ 300 çaqrımğa oça alğanı mäğlüm ide. Bu inde İrannıñ küptänge doşmanı İzraelgä höcüm itä alırlıq raketa bulıp tora.
