Accessibility links

Кайнар хәбәр

Minskida oppozisiädäge jurnalist Veronika Çerkasova üterelgän


Uzğan töndä üz fatirında Minskidağı oppozisiä basması xäbärçese Veronika Çerkasovanıñ mäyeten tapqannar. Jurnalist muyınına pıçaq belän qadap üterelgän. Çerkasova 15 yıllap Belarusnıñ bäysez mäğlümat çaraları öçen xäbärçe bulıp eşläde. Anıñ xezmättäşe Marina Zagorskaya, Frans Press mäğlümat agentlığına, Çerkasova soñğı aralarda säyäsi mäqälälär yazmıy ide, dide. Minski räsmiläre tikşerülär başlawların belderde. Räsmi Minski, amerikan prezidentı George Bush'nıñ Belarus'qa qarata iqtsadi çikläwlär kertü turında qarar qabul itüe – "qızğanıç" dip belderde. Belarus tışqı eşlär ministrlığınıñ matbuğat wäkile Andrej Savinıx süzlärenä qarağanda älege adım "salqın suğışnı xäterlätä". Amerikan Belarus demokratiä aktı dip isemlängän şuşı qanun Belarustağı xökümättän bäysez oyışmalarğa yardäm itü yulı belän demokratiäne üsterüne yaqlıy häm Quşma Ştatlar federal agentlıqlarınıñ Belarusqa nindi dä bulsa finans yardäm cibärüen tıya. Bush bu qanunnı kiçä imzaladı häm Aleksandr Lukaşenka'nıñ öçençe möddätkä saylanu tırışlıqlarınıñ – keşe xoquqları bozu häm qurqu yulı belän alıp barıluın täñqitläde. Rusiä tışqı eşlär ministrı Sergey Lavrov Quşma Ştatlarnıñ bu adımına täñqit belderde.
XS
SM
MD
LG