Ğiraqnıñ küçeş çorı tışqı eşlär ministrı Xöşiär Zebari Süriä Ğiraq belän diplomatik elemtälärne yañartırğa häm ike il arasındağı çikne röxsätsez ütüçelärgä qarşı Bağdad belän bergäläp eşlärgä kileşte dide.
Sebari Qahirädädä jurnalistlar aldında çığış yasap Süriä xökümäte Ğiraq xökümäteneñ ike il arasında diplomatik elemtälärne yañartu turındağı möräcäğäten qabul itte dide.
AQŞ Süriäne Ğiraqqa kitüçe suğışçılarnı tuqtatmawda ğäyeplägän ide.
Süriä tışqı eşlär ministrı Färüq äş-Şara kiçä Qahirädä Süriä çik buyı mäs'äläse turında Ğiraq belän kileşügä ireşte dide.
Anıñ äytüençä, tizdän Ğiraq waqıtlı eçke eşlär ministrı Fäläx än-Näqip Dämäşqqa barıp çik buyında xezmättäşlek kileşüen imzalıyaçaq.
