AQŞ prezidentı, Ukraina saylawları ğädel bulmasa, bu il belän mönäsäbätlärne küzdän kiçerü belän kisätte

Quşma Ştatlar prezidentı George Bush, ägär Ukrainada irtägä ütäçäk prezident saylawları ğädel bulmasa, Amerika üzeneñ bu il belän mönäsäbätlären küzdän kiçerergä tieş bulaçaq, dide. Ukraina prezidentı Leonid Kuçma isemenä cibärgän xatında Bush, Ukraina xärbilären Ğiraqqa cibärgän öçen Kuçmağa räxmät belderä. Ämmä yäkşämbe saylawları ğädel bulmasa, bez Ukraina häm xärämläşüdä qarnaşqan räsmilär belän mönäsäbälärebezne üzgärtergä tieş bulaçaqbız, di Bush.

İrtägä prezident saylawlarınıñ ikençe turında Mäskäw taraflı premier-ministr Viktor Yanukoviç belän Könbatış qaraşlı oppozitsiä wäkile Viktor YUçenko köräşä.

Tawış birüne küzätergä kilüçelär arasında Quşma Ştatlar Senatınıñ Xalıqara mönäsäbätlär komitetı başlığı Richard Lugar, Rusiä Duması räise Boris Grızlov bar.